FEATUREDIkus LiuNewsPolitika

PN Aprova Vota a favor 49 ba Loron Nasional Liberdade Imprensa

Fahe Tutan

Naunil Media (Díli), Enkontru líderes bankada parlamentár, deside halo diskusaun no aprovasaun ba loron Nasionál Liberdade Impresa ne’ebé sei monu loron iha 16 Outubro ho vota a favor 49 kontra 0 abstensaun 0.

Iha Rezolusaun ida ne’e, propoin ba dia 16 Outubru kada tinan atu sai loron nasionál ba liberdade Imprensa atu hatudu katak ita kumpri Konstitusaun no ita nia polítika sira a favor ba liberdade Imprensa”, hateten Sekretária Meza Parlamentu Nasionál (PN), Deputada Lidia Norberta, lee sai rezolusaun, iha plenária PN, Tersa ( 24/05 ).

Nune’e parte Governu parabeniza, deputadu/a sira iha Parlamentu Nasionál. Tanba bele toma atensaun ba rezolusaun ida ne’ebé mai husi konsellu Imprensa hodi deside loron 16 Outubro sai loron nasionál ba liberdade Imprensa.

Ministru Asuntu Parlamentá no Komunikasaun Sosial Interinu, Merício Juvinal dos Reis “Akara” fó parabéns ba inisiativa di’ak ne’ebé mai husi konsellu Imprensa  no deputadu/a sira, tanba sira fó atensaun.

“Ohin ita akompaña, hotu-hotu vota a favor, ne’e signifika hotu-hotu konkorda proposta husi Konsellu Imprensa, liliu kona-ba 16 fulan Outobru”, dehan Ministru Asuntu Parlamentáres no Komunikasaun Sosial Interinu, Merício Juvinal dos Reis “Akara” ba jornalista sira iha Parlamentu Nasionál.  

Governante ne’e informa, iha rezolusaun ne’e, pontu balun ne’ebá liga mós ba kna’ar Governu nian, nune’e Governu kompromete sei nafatin prontu atu apoiu no kolabora hodi implementa rezolusaun sira ne’ebé mak sai husi Parlamentu Nasionál.

“Ohin ha’u deklara ona katak, Governu prontu atu apoiu kolabora nafatin atu implementa rezolusaun sira”, afirma membru Governu konstitusionál da-ualu ne’e.

Tuir dehan, rezolusaun ne’ebé mak sai husi PN, Governu laiha pozisaun kontra ruma, parte Governu konkorda. Ana

Leave a Reply

Your email address will not be published. Required fields are marked *