MNEK Xina Wang Yi to’o Timor

Naunil Media (Díli), Ministra Negósius Estrangeirus no Kooperasaun (MNEK), Adaljiza Magno,sei simu Konselleru Estadu no Ministru Negósius Estranjeirus Repúblika Populár Xina, Wang Yi, durante loron-rua hahú husi loron 3 to’o 4 juñu 2022.

Ohin to’o iha aeroporto Internacional Nicolau Lobato Díli por volta ho oras 15:50otl ho avião Air China marka Aircarft B737-700BBJ.

Vizita ida ne’e sei haforsa liu tán relasaun bilaterál entre Timor-Leste ho Xina ne’ebé eziste ona no kobre ba kooperasaun iha areas oioin.

Nasaun rai rua ne’e,nia relasaun metin tebes durante tinan 20 nia laran ona.

“Hau haksolok tebes hodi simu Sr. Wang Yi mai Timor-Leste no hakarak tebes atu diskute asuntu bilaterál no multilaterál ba interese mútua hodi haforsa liutan ita-nia kooperasaun,”dehan Ministra Adaljiza Magno.

Wang Yi sei hasoru mós na’i-ulun importante sira durante vizita ne’e,”hakotu nia. Ana