MF Rui: Ezekusaun OJE 2022 To’o 19%
Naunil Media (Díli), Ministru Finansa (MF) Rui Agosto Gomes hateten, Ezekusaun ba Orsamentu Jerál Estadu (OJE), tinan 2022 ne’ebé hamutuk ho Orsamentu Ratifikativu purvolta 3.4 billoens ohin loron ezekusaun to’o 19%.
“Agora ho ita nia ratifikativu foin tantu ita nia orsamentu ne’e sai ba 3.4 billoens dollars, ne’ebé nia ezekusaun to’o oihn dadersan purvolta 19 pursentu, ida ne’e mak ninia ezekusaun,” dehan Ministru Finansa ba jornalista sira hafoin enkontru ho Prezidente Repúblika (PR), José Manuel Ramos Horta iha Palásiu Prezidensiál Nicolau Lobato Bairru-Pite, tersa (07/06).
Tuir Membru governu ne’e katak, Ko’alia kona-ba ezekusaun fiziku bele konfirma ministeriu ida-idak hanesan Ministru Obras Públikas, agrikultura, saúde no mós sira seluk.
“Ezekusaun fiziku ha’u hanoin pergunta ida ne’e bele dirize ba kada ministeiriu, purizemplu parte infrastrutura Ministru Obras Públikas mak bele ko’alia liu tan kona-ba fiziku ne’e alkansa pursentu hira ona, husi agrikultura produsaun ne’e halo nusa ona, saúde klínika sira no seluk tan ne’e kada ministeriu karik ita bo’ot sira bele dirize parguntas espesifiku sira ne’e ba kada ministeriu”, katak Membru governu. *Jos
