FIFA Prontu Hadi’a Estadium Dili
Naunil Media (Díli), Prezidente Federasaun Futeból Timor-Leste (FFTL), Francisco Martins da Costa Preira Jerónimo, hateten atu dezenvolve futeból iha Timor-Leste, dau-daun FFTL servisu hamutuk ho Federation Internationally de Football Association (FIFA) atu hadi’a Estadium Munisípal Díli.
“FIFA prontu hadi’a estadium munisípal Díli. FFTL tenke tuur hamutuk ho governu Timor-leste buka solusaun ba asuntu ne’e kompetensia FFTL nian” Prezidente FFTL, Francisco Jerónimo, ba jornalista sira iha nia knaar fatin Bairro Formosa, Kuarta (08/06).
Prezidente FFTL ne’e haktuir, “Ohin ami enkontru ho delegasaun husi FIFA ne’ebé sira ko’alia ho ami ezekutivu sira iha FFTL no FIFA informa seriu hakarak dezenvolve futeból iha Timor-Leste ne’ebé FIFA hakarak hadia Infrastrutura mak hadi’a estadium Munisipal Dili, maibe ita nia problema mak rai liu-liu stadium”.
Nia husu ba Ministériu Justisa hodi entrega dokumentu estadium, tanba FIFA atu hadi’a ona.
“Iha parte FFTL haree ona dokumentu husi sira dehan FFTL seidauk sai Na’in ba estdium”, dehan atual Francisco.
Francisco mos husu ba FIFA fó tempu bele ko’alia ho Ministeriu Justisa nune’e fó garantia bele hadi’a stadium.
“Tanba sira hakarak Timor-Leste mós sai uma Na’in ba jogu Internasional,nune’e povu Timor-Leste bele asiste jogadór Timor oan ba joga iha nasaun seluk”, dehan Prezidente FFTL Francisco Martins da Costa Pereira Jerónimo.
Nia hatutan, parte ezekutivu FFTL esforsu bele hetan dokumentu rai nune’e FIFA bele hadi’a estadium munisípal Díli nian, bainhira rekolla hotu dokumentu sira ekipa husi FIFA halo ona verifikasaun.
Entertantu, delegasaun na’in tolu husi FIFA nian ohin to’o Timor mak hanesan, Lavin Vignesh, Mehmet Derlik. Ana/Mj2
