FEATUREDIkus LiuNewsPolitika

CI Transmite Kazu Francisco Belo no Raimundo Oki Ba PR Horta

Fahe Tutan

Naunil Media (Díli), Conselho Imprensa (CI) transmite Preokupasaun kona-ba kazu Francisco Belo husi média Hatutan.com no Raimundo Oki husi The Oekussi Post (TOP) ba Xefe estadu hodi bele halo komunikasaun ho entidade relevante.

Kestaun ne’e hato’o Prezidente Conselho Imprensa Virgilio da Silva Guterres ba jornalista sira hafoin remata hasoru malu ho Prezidente Repúblika (PR) José Manuel Ramos Horta iha palásiu Prezidensiál Nicolau Lobato Bairru Pite, Sexta, (01/07).

“Seluk mós ami hato’o konsellu imprensa nia Preokupasaun atu transmite ami nia Preokupasaun ba  Prezidente Repúblika atu Prezidente Repúblika mós iha okaziaun bele halo komunikasaun ho entidades relevante, Primeiru kona-ba kolega Jornalista nain-rua ne’ebé ke oras ne’e dadauk infrenta kazu legal ninian Maun Francisco husi Hatutan.com agora ikus irmaun Raimundo Oki husi The Oekussi Post,” dehan Prezidente CI

Prezidente Conselho Imprensa hatutan Conselho Imprensa hato’o Preokupasaun ne’e ba PR no mós husu ba Xefe estadu atu halo intervensaun ba entidades relevante sira tuir nesesidade ne’ebé iha.

“Ami hato’o ami akompaña, konsellu imprensa hato’o nia Preokupasaun no mós ami husu ba Prezidente Repúblika atu mós akompaña i mós bele hato’o, halo intervensaun tuir nesesidade ba entidade sira ne’ebé relevante,” katak Prezidente Conselho Imprensa

Virgilio Guterres hateten enjeral hanesan Jornalista hotu-hotu hakruk ba lei sira, maibé buat importante mak implementasaun lei ne’e labele mai atu sai fali hanesan intimidasaun ka ou limitadu ba garantia konstitusionál sira ne’ebé iha tiha ona ne’ebé garante liberdade ba Jornalista sira.

Lideransa CI esplika Prezidente Repúblika mós sei akompaña liuliu ba Raimundo Oki nian ne’e  Prezidente akompaña hela, tanba ne’e kona-ba kazu ida ne’ebé delikadu kona-ba segredu justisa depois mós kona-ba abuzu seksual entaun kazu delikadu.

Nia dehan buat ne’ebé agora konsellu imprensa partilla mós mak buka hela atu hatene substansia husi infrasaun ba segredu justisa ne’e parte ida ne’ebé atu nune’e konsellu imprensa bele haree mós.

Maibé parte husi Prezidente Repúblika akompaña hela situasaun ne’e, atu nune’e kualker prosesu lá’os sai hanesan intimidasaun ou ameasa ba jornalista sira atu hala’o sira nia aktividade jornalistika.*Jos

Leave a Reply

Your email address will not be published. Required fields are marked *