Konferensia Nasionál Da-II, KHUNTO Prepara Ba Eleisaun Parlamentar 2023

Naunil Media (Díli), Domingo (03/07) ne’e liu husi sede Nasionál iha Manleuana, Partidu Kmanek Haburas Unidade Nasional Timor-Oan (KHUNTO) realiza konferénsia nasional daruak II, ho objetivu atu haforsa Organizasaun Feto-mane iha vida polítika husi baze to’o nasional hodi prepara hasoru eleisaun parlamentar 2023. 

Prezidente Partidu KHUNTO, Armanda Berta dos Santos, hateten partidu KHUNTO marka pasu ida tán ba oin, konferensia ba feto no mane ba dala rua nian, hodi bele halo preparasaun ba iha eleisaun parlamentár 2023 ninian.

“Segundu konferensia nasionál halo di’ak liu tán ba oin, liu-liu atu fortalese estrutura sira durante iha partidu KHUNTO ninian atu nune’e hodi bele preparasaun ba 2023”, dehan Presidente Partido KHUNTO, iha diskursu kongresu ba dala 2, iha sede Manleu.

Nia afirma, feto mós oinsá mak atu bele involve an iha vida polítika ita bele dehan feto no mane oinsá atu bele foti desizaun ida liu husi ekonómia, sosiál, kultura, polítiku ida ne’e ita nia partisipasaun mós importante.

Ho ida ne’e, hotu Partidu KHUNTO mós ha’u fiar katak ho kongresu Ohin feto ho mane sebele halo di’ak liután iha 2023.

Hau espera katak,2023 ita la’ós kadeira lima de’it, sebele aumenta tán no konta ho ita sira nia esforsu.

“Objetivu importante ida ohin atu bele fortalese estrutura joven feto no mane atu nune’e husi Estadu no governu”, tenik nia.

Iha fatin hanesan, Sekretária Estadu ba Igualdade no Inkluzaun,Maria do Rosário Fátima Correia,informa,ita hotu hatene katak ita lei inan ne’ebé fó mós garante direitu feto,mane no joven sira iha área família polítika no mós iha kultura.

Nia hatutan “Ita mós iha lei Partidu polítika ne’ebé mak fó biban atu garante kuota ba iha feto mós no dadauk ita nia nasaun ita opta 40% feto ne’ebé mak tuur iha Parlamentu Nasionál, mai fali oitavu governu 16% feto tuur iha membru Governu no ita iha persentazen ne’ebé mak kiik liu ne’ebé mak ita iha 452 suku. maibé 5% feto mak tuur iha hanesan Xefe Suku no 4% tuur iha Xefe aldeia.

Tanba nee, “Ita mós fó hanoin ba partidu polítiku sira liuliu partidu KHUNTO oinsá atu konsidera mós feto. Tanba iha tinan oin ita iha eleisaun tolu, eleisaun parlamentár, eleisaun munisipál no eleisaun Xefe suku sira”.

Nia akresenta, labele haluha katak ita nia portador Defisiénsia atu involve sira nia an mós iha partidu polítiku no mós munisipál.

“Ohin ita bele mós iha ona prepara ona ita nia kandidatura sira atu sira mós partisipa iha eleisaun sira ne’ebé mak sei mai liuliu eleisaun munisipál no Xefe suku”, tenik nia

Tanba ne’e, Oitavu Governu ne’e lidera husi Jeneral Taur Matan Ruak katak ema mak sai sentru ba dezenvolvimentu.

Dehan nia, ita lakohi atu halo feto no mane iha kotuk, maibé hamutuk atu lori nasaun ba oin.

Hau haree iha ne’e katak,kuaze feto joven barak, parabéns ba Partidu KHUNTO ne’ebé ohin deside halo kongresu ba feto no Joven,”relata nia.

Aleinde,Konseleru lider supremu masimu partido KHUNTO,Naimori Bukar,ha’u  fó mensajen de’it katak estrutura estabelese ona oinsá mak bele kumpri tuir Estatutu partidu nian no mós hatur joventude feto no mane atu nune’e hala’o tuir imi nia atividade no talentu sira ne’ebé mak Partidu fó fiar.

“oinsá atu bele esforsu an hodi bele kompleta estrutura nasionál ba munisípiu depois Postu sira oinsá atu haluan di’ak liután ita nia atividade no mós prezensa feto no mane iha vida polítika ida-ne’e.

Nia relata, importante ha’u fiar katak mesmu ita nia nasaun foin independénsia.

maibé ha’u fiar katak ita nia aman sira, ita nia lideransa sira liuliu husi partidu KHUNTO la husik dehan katak mane de’it mak bele involve iha vida polítika,maibé feto mós bele no oinsá mak bele foti desizaun iha família, kultura, governu, Parlamentu Nasionál.

“Involvimentu feto iha desizaun ruma importante, entaun ita bele dehan katak feto mesak mós sei la halo buat ida no mane mesak mós la halo buat ida, maibé feto ho mane kompleta malu, buat ida difisil sai fasil,”naimori katak. Tanba ne’e,ohin ita sei hili Prezidente mulher no Joven atu nune’e halo kompletu di’ak liután estrutura partidu KHUNTO nian,”hakotu nia. Ana