Plan Internasionál Promove Labarik Feto  Lidera pozisaun Iha Instituisaun Governu

Naunil Media (Díli), Plan internasionál kontinua promove labarik feto sira lidera pozisaun iha instituisaun governu, hanesan prezidente Repúblika (PR), Primeiru Ministru (PM) Ministru iha ministeiriu sira no diretór iha instituisaun governu sira.

Tuir meneger programa empoderamentu labarik feto iha planu internasionál, Eta Mota hateten, Kada tinan plan internasionál sempre hala’o aktividade ne’ebé mak fó oportunidade ba labarik feto sira, husi 12 Munisípiu inklui regiaun administrativu espesial Oe-Cuse Ambeno (RAEOA) hodi asume pozisaun iha instituisaun governu.

“Plan fó oportunidade ba labarik feto sira atu aprende oinsa bele sai lideransa ne’ebe mak di’ak iha future, ba iha pozisaun ne’ebé sira foti, atu dezenvolve sira nia aan no hanoin ne’ebé kritiku fiar an hodi bele, la’o ba oin”, dehan nia iha sala konferensia SEKOMS, Palasiu Governu, tersa (04/10).

Tan ne’ebnia dehan, Plan Internasional nia target área mak iha munisípiu sira, liu-liu Aileu ho Ainaru, tanba ami servisu ho labarik sira maioria foti husi ne’eba hodi asume pozisaun.

Maibe tinan ne’e, nia hatutan, plan internasional hala’o atividade ne’e ba dala-10, tan ne’e loke oportunidade ba labarik husi municipiu hanesan, baucau, RAEOA, Covalima no Díli, nia dena.

Nia hatene, plan internasional kontinua hala’o servisu hodi promove direitu, no protesaun ba labarik hodi luta ba Igualdade labarik feto nian.

“Tan ne’e ami kontinua empodera sira, tanba kada tinan ami selebra loron internasional labarik ne’ebe monu iha loron 11 outobru”, katak nia.

Nia akresenta, Iha tinan ne’e mos plan internasional fó oportunidade ba labarik foti ona pozisaun hamutuk 58 labarik ne’ebé foti posizaun iha fatin hotu-hotu.

“Labarik 58 ne’ebe foti pozisaun hanesan, prezidente republika sekretariu estadu, director, inklui organizasaun sosiedade sivil”, nia tenik.

Nia esplika, iha loron internasional ba labarik feto ne’e tenke fó oportunidade ba sira, para bele hatudu ba mundu katak labarik feto sira mós bele.

“Ha’u fiar katak ho esforsu makas, no Importante mos tenke ami husi sira nia hakarak katak hakarak duni halo mudansa, tanba ne’e ho esforsu maka’as no apoiu husi parte external bele ajuda sira atinji sira nia mehi”, nia dehan.

Enkuantu aleinde promove sira, plan internasional mós asegura labarik sira katak, hodi hanorin mos labarik sira hodi relata kazu nee akontese ba sira iha eskola no mos iha komunidade.

“Plan iha projeitu violensia bazeia ba jeneru katak, ami iha mekanismu oinsa hanorin sira relata kazu se karik akontese iha eskola no komunidade, tanba ne’e ami hanorin hotu, iha poster iha numeru telefone karik hetan kazu sira kontaktu ba plan bele ajuda sira”, nia relata.

Entrentantu Labarik feto ho naran Sefiana soi da Grasa ho idade (13) husi Munisipiu aileu, hetan mos oportunidade husi plan international hodi asume kargu hanesan sekretaria estadu komunikasaun sosial (SEKOMS) iha loron 04 Outobru tinan ne’e, ho durasaun durante oras ida.

Sente kontente bele hetan oportunidade ne’ebe ha’u la espera bele lidera posizaun nu’udar sekretariu estadu komunikasaun sosial, ne’e orgulho tebes bele sai mos lideransa di’ak iha futuru, nia hakotu. LTS