Alkatiri: Problema Ró Haksolok Rezolvidu
Naunil Media (Díli), Eis Primeiru Ministru Marí Bin Amude Alkatiri hatete, Problema ho Ró Haksolok Rezolvidu Ona, tanba ne’e Xefe Estadu la foti tan problema kona-bá Ró ne’e rasik.
“Haksolok rezolvidu ona, Prezidente la foti tan problema ida ne’e, husu de’it mai ha’u, ha’u dehan rezolvidu ona la foti, mas hakarak vizita bele vizita, se mak ko’alia bar-barak iha media sosial bosok ten ninian, ne’e media bosok ten nia liuliu CNRT Media”, dehan Sekretáriu Jerál Fretilin ba jornalista sira hafoin enkontru ho Prezidente Repúblika (PR) José Ramos Horta iha Palásiu Prezidensiál Nicolau Lobato Bairru Pite, Sexta, (28/10).
Marí Alkatiri hatutan, ka’olia nune’e duni tanba lahatene inventa ho odiu, maibé Alkatiri lahtene odiu ema seluk nune’e ema ne’ebé kuandu halo di’ak nia sei hasai sapeo ba sira.
“Ha’u ko’alia hanesan ne’e duni bosok ten lahatene inventa tanba odiu, ha’u lahatene odiu ema ida kuandu ema halo sasán di’ak ha’u hasai sapeo halo ladi’ak ha’u kritika odiu ha’u lahatene”, tenik Alkatiri.
Nia esplika, Iha fulan hirak liu ba nia bá vizita no trablhador sira ne’ebé servisu iha Ró refere hahú hikas fali ona, servisu iha fulan rua liu ba no Ró refere lahalo kompasaraun posivel.
“Ha’u vizita foin fulan ida trabllador sira ne’ebé servisu ne’e hahú iha fulan rua ona, maibé Ró eh Ró, Ró la’ós ita ba tein karik ida para atu han, ne’e Ró ida ke lakompara ho Berlin Nakroma no lakompara ho Berlin Ramelau laiha koparasaun posivel”, nia esplika.
Nia argumenta se de’it mak halo investigasaun ko’alia ho nia, se la ko’alia ho nia la’ós investigasaun ne’e persigisaun ne’e mak nia hakarak hatete, se la ko’alia ho nia la’ós investigasaun ne’e persigisaun ne’e mak nia hakarak dehan. *Jos
