PM Xanana Despede Atleta Paralímpiku Na’in-11 Partisipa Asian Para Games Hangzhou-Xina
Naunil Media (Díli), Kinta (05/11) ne’e, Atleta Paralímpiku hamutuk na’in-11, no ofisiál hosi Comité Paralímpiku Nasionál Timor-Leste (CPNTL) hasoru malu ho Primeiru-Ministru (PM) Kay Rala Xanana Gusmão hodi husu mensajen motivasaun hodi reprezenta Estadu Timor-Leste partisipa iha jogu Asian Para Games ba dala-19 iha Hangzhou-Xina.
Delegasaun hamutuk 25, kompostu hosi atleta 11, hosi modalidade tolu hanesan, Modalidade Hiit Besi, Atletismu no Ténis meja. Sira sei arranka iha loron 15 fulan outubru, durante semana rua estadia iha Hangzhou Xina.
Primeiru-Ministru, Kay Rala Xanana Gusmão husu ba atleta sira kontinua kaer metin esperitu nasionalizmu ne’ebé forte hodi hatudu sira nia talentu iha desportu ho kompetetivu no dixiplina hodi hamoris imajen Timor-Leste iha desportu internasionál.
“𝗦𝗮𝗶𝗱𝗮 𝗱e’𝗶𝘁 𝗺𝗮𝗸 𝗶𝗺𝗶 𝗮𝘁𝘂 𝗵𝗮𝗹𝗼 𝗶𝗵𝗮 𝗻𝗲’𝗲𝗯𝗮́ 𝗱𝗲𝗽𝗲𝗻𝗱𝗲 𝗯𝗮 𝗶𝗺𝗶-𝗻𝗶𝗮 𝘁𝗿𝗲𝗶𝗻𝘂, 𝗲𝘀𝗳𝗼𝗿𝘀𝘂 𝗻𝗲’𝗲𝗯𝗲́ 𝗶𝗺𝗶 𝗵𝗮𝗹𝗼 𝘁𝗶𝗵𝗮 𝗼𝗻𝗮. 𝗧𝗮𝗻𝗯𝗮 𝗻𝗲’𝗲 𝗵𝗮’𝘂 𝗹𝗮𝗯𝗲𝗹𝗲 𝗵𝘂𝘀𝘂 𝗯𝘂𝗮𝘁 𝗯𝗮𝗿𝗮𝗸, 𝗵𝗮’𝘂 𝗱𝗲𝘇𝗲𝗷𝗮 𝗱𝗲’𝗶𝘁 𝗯𝗮𝗶𝗻𝗵𝗶𝗿𝗮 𝗶𝗺𝗶 𝘁𝗼’𝗼 𝘁𝗶𝗵𝗮, 𝗶𝗺𝗶 𝗯𝘂𝗸𝗮 𝗵𝗮𝗹𝗼 𝘀𝗮𝗶𝗱𝗮 𝗺𝗮𝗸 𝗶𝗺𝗶 𝗯𝗲𝗹𝗲, 𝗽𝗮𝗿𝗮 𝗳𝗶𝗹𝗮 𝗳𝗮𝗹𝗶 𝗺𝗮𝗶 𝗶𝘁𝗮 𝗵𝗮𝗺𝘂𝘁𝘂𝗸 𝗵𝗼 𝘀𝗶𝗿𝗮 𝘀𝗲𝗹𝘂𝗸 𝗽𝗮𝗿𝗮 𝗱𝗲𝘇𝗲𝗻𝘃𝗼𝗹𝘃𝗲 𝗻𝗮𝗳𝗮𝘁𝗶𝗻 𝗮𝘁𝗶𝘃𝗶𝗱𝗮𝗱e 𝗱𝗲𝘀𝗽𝗼𝗿𝘁𝘂 𝗹𝗮’𝗼́𝘀 𝗱𝗲’𝗶𝘁 𝗶𝗵𝗮 𝗣𝗮𝗿𝗮𝗹𝗶́𝗺𝗽𝗶𝗸𝘂 𝗺𝗮𝗶𝗯𝗲́ 𝗺𝗼́𝘀 𝗮𝘁𝗶𝘃𝗶𝗱𝗮𝗱𝗲 𝗱𝗲𝘀𝗽𝗼𝗿𝘁𝘂 𝘀𝗶𝗿𝗮 𝘀𝗲𝗹𝘂𝗸. 𝗦𝗲 𝗹𝗮𝗲 𝗱𝗲𝗵𝗮𝗻 𝗮𝗺𝗶 𝗹𝗮𝘁𝗮𝘂 𝗺𝗮𝘁𝗮𝗻, 𝘁𝗮𝗻 𝗻𝗲’𝗲 𝘁𝗶𝗻𝗮𝗻 𝗹𝗶𝗺𝗮 𝗻𝗲’𝗲 𝗯𝗲𝗹𝗲 𝗱𝗲𝘇𝗲𝗻𝘃𝗼𝗹𝘃𝗲 𝗻𝗮𝗳𝗮𝘁𝗶𝗻 𝗱𝗲𝘀𝗽𝗼𝗿𝘁𝘂,” informa PM Xanana durante hato’o mensajen despedida ba atleta sira iha Palasiu Governu.
PM dehan, altleta hotu partisipa iha desportu la’ós atu buka manan ka lakon, maibé importante kumpre regra sira ho dixiplima maka sai nu’udar fatór importante atu hetan susesu ida.
Xefe Governu bolu atensaun mós ba ofisiál liu-liu Comité Paralímpiku Nasionál Timor-Leste, atu atensaun ba regra hotu ne’ebé aplika, nune’e labele mosu fallansu ruma, hodi difikulta fali atividade atleta sira nian.
Xefe Governu, husu ba atleta sira atu partisipa jogu ho di’ak no aplika matéria sira ne’ebé hetan durante treina.
“𝗕𝗼𝗮 𝘃𝗶𝗮𝗷𝗲𝗻 𝗻𝗼 𝘀𝘂𝘀𝗲𝘀𝘂, 𝗵𝗮𝘁𝘂𝗱𝘂 𝗸𝗮𝘁𝗮𝗸 𝗽𝗿𝗼𝗯𝗹𝗲𝗺𝗮 𝗸𝗼𝗻𝗱𝗶𝘀𝗮𝘂𝗻 𝗳𝗶́𝘇𝗶𝗸𝗮 𝗹𝗮’𝗼́𝘀 𝗮𝘁𝘂 𝗵𝗮𝘁𝘂𝗻 𝗳𝗮𝗹𝗶 𝗲𝗺𝗮 𝗶𝗱𝗮 𝗻𝗶𝗮 𝘃𝗮𝗹𝗼́𝗿 𝗻𝘂’𝘂𝗱𝗮𝗿 𝘀𝗲𝗿 𝘂𝗺𝗮𝗻𝘂, 𝗺𝗮𝗶𝗯𝗲́ 𝗶𝗺𝗶 𝗯𝗮 𝗿𝗲𝘀𝗽𝗲𝗶𝘁𝗮 𝗺𝗮𝗹𝘂 𝗻𝗮𝗳𝗮𝘁𝗶𝗻,” PM apela.
Fatin hanesan, Ministru Juventude, Desportu, Arte no Kultura, Nelio Isaac Sarmento, garante sei lamosu fallansu ruma tanba ofisiál sira hatene ona prosedimentu ne’ebé implementa durante jogu ne’e hala’o. Kuandu mosu buat ruma ita hotu ejize sira nia responsabilidade.
Tuir Nelio, atleta Paralímpiku sempre hamorin bebeik Timór nia-naran iha jogu Internasionál, realidade maka iha Jogu Internasionál sira iha tinan 2022 atleta Paralímpiku lori medalla osan-mean no osan-mutin. Adri
