TL Rejista Ona Kazu Variante Delta Ema Nain 4
Naunil Media Díli, Ministra Saúde, (MS) Odete Maria Freitas Belo, Informa Timor-Leste rejista ona kazu variante pozitivu ema na’in 4.
“Ohin husi Komunikadu imprensa sentru Integradu Jestaun krize (SIJIK) ható ba públiku katak, rezultadu sekuensiasau genómica husi amostra 300 ne’ebé laboratoriu nasionál saúde haruka iha loron 14 fulan Jullu tinan 2021, ba Peter’s Doherti Institute iha Melbourne, Australia, ho pedidu atu halo tes urjenti ba amostra balu ne’ebé hadutu katak, amostra husi ema na’in 4 ne’ebé tama husi Indonesia iha loron 26 fulan Juñu ho loron 8 fulan Jullu, iha lineajen B.1.617.2 (Delta), variante ne’ebé preokupante, ka “variant of concern’’, Dehan MS, Odete Maria Freitas Belo, ba jornalista sira iha press konferensia Cetro Conveções de Díli (CCD), sexta,(23/07).
Nia hatutan, sira nian 4 ne’e iha hotu fatin kuarentena no izolamentu, 1negativu ona, no fila ona ba uma, na’in 3 sei nafatin iha izolamentu. Tó agora seidauk iha evidénsia katak variante ida ne’e, mak da’et ona iha komunidade.
Informa ba públiku tomak katak, ema ne’ebé rekuperadu ona husi moras Covid-19 liu ona husi izolamentu, terapéutiku domisiliar (iha uma rasik) ka iha fatin ne’ebé Estadu prepara, wainhira atu desloka sai husi/tama ba serka sanitária.
“ Ita la presija halo swab, maibé nafatin presiza hetan autorizasaun esepsionál husi Diretor CIGC, Atu bele prosesa autorizasaun esepsionál tenke hatudu sertifikadu Alta husi Izolamentu, ne’ebé Ministériu Saúde, liu husi ninia Pilar 7, fó ba ema rekuperadu ható mós ba populasaun katak ema ne’ebé detetatu positivu, wainhira rekuperadu ona bele simu vasina doze dahuluk, ka doze daruak , la iha kontra indikasaun médika”, Nia deklara.
Iha Sertifikadu Alta husi Izolamentu, hakerek informasaun hanesan tuir mai ne’e Ema ne’ebé rekuperadu, di’ak-liu heinto’o másimu fulan 6 (neen), surahusi loron alta, maka foinsimu vasina, dehan nia.
“bazeia ba númeru vasina ne’ebé seidauk sufisiente atu kobre populasaun Timor-Leste tomak, maibé tanba agora iha ona númeru vasina ne’ebé bo’ot, ema hotu ne’ebé rekuperadu husi moras Covid-19, wainhira hakarak simu ona vasina, bele hakbesik ba postu vasina, atu simu vasina”, katak nia
Nia parte husu ba populasaun tomak katak ema ne’ebé simu ona vasina doze daruak hasoru virus SARS-CoV-2-naran vasina ida, husi hirak ne’ebé rekoñesidu husi Organizasaun Mundiál Saúde bele ona sirkula livremente tama ka sai serka sanitária, no la presiza hetan autorizasaun esepsionál husi Diretór Centro Integrado Gestão de Crises.
“informa mós ba públiku katak, fatin atu halo teste PCR maka hanesan tuir mai.Wainhira sente moras isin-manas, mear, kakorok moras ka sintoma seluk tan bele ba konsulta iha Sentru Saúde ne’ebé besik, atu bele halo swab, wainhira atu husu autorizasaun esepsionál sai husi serka sanitária iha Díli bele ba halo swab iha Centro Convenções de Díli (CCD), wainhira sente katak sai kontaktu-besik ba ema ruma ne’ebé deteta pozitivu ona. INA