Kompaña Soru Coconut Oil, Apresia Governu Fó Preoridade Ba Produtu Lokál
Naunil Média (Díli), Diretór kompaña Coconut Oil, Arsenio da Costa Pinto Cabral, Apresia Governu tanba sei fó nafatin importansia ba produtu lokál implementasaun programa sexta bazika ba faze daruak nian.
Diretór Kompaña ne’e haktuir, Governu fó preoridade ba produtu lokál ne’e atu motiva argrikultór sira hodi hasa’e volume produsaun aihan iha rai laran.
“Nu’udar emprezariu iha Munisípiu Lautém apresia polítika Governu nian ne’ebé kontinua implementa nafatin programa sexta bazika ba daruak nian, Ida ne’e hanesan motiva agrikultor ho produtór sira atu hasa’e nafatin produsaun aihan iha rai laran”, Dehan Arsenio Cabral, ba www.naunil.com, iha Lospalos villa, Tersa (25/01).
Nia haktuir, Failansu programa sexta basika iha Governu, maibé nu’udar sidadaun tenke kolabora malu hodi hadia.
“Programa sexta basika ne’ebe ita nia govrnu implementa ne’e di’ak ba agrikultor ho produtor sira, Nune’e tenke prepara produs ona produtu lokál atu apoia programa ne’e. Tanba programa ne’e di’ak ba ita maske iha failansu, Maibe failansu ne’e la’os governu mesak hadia ita hotu tenke kolabora hodi hadia failansu sira ne’e, Atu programa ne’e iha nafatin kontinuasaun.” Tenik nain ba kompaña Cocout Oil.
Arsenio hatutan, Politika governu nian ne’e atu sosa prodútu agrikultura sira nian, ne’e parte pozitivu ida tanba bele hasa’e produsaun aihan iha rai laran, Nune’e mós bele hamenus importasaun hosi rai liur.
Areseio reforsa, Dadaun ne’e kompaña prepara ona mina virzen iha armazen hamutuk tonelada 40 resin, Mina refere kompaña exporta ona tonelada 10 ba rai liur. Ze
