COVID-19 : F-FDTL Prepara Fatin Kuarentena iha Metinaru
Naunil Media (Díli), Tanente Koronel FALINTIL Forsa Defeza Timor-Leste (F-FDTL), Guido de Oliveira, informa F-FDTL sei esforsa hodi establese fatin kuarentena ba sidadaun sira maske Timor-Leste livre ona husi COVID-19.
“Ita hatene iha primeira faze ne’ebé ita ultrapasa ona, ita tauk segudu faze iha tan tanba tuir informasaun katak segunda fase bele mosu kontaktu liu-husi anin, la hanesan ho primeira faze nian”, hateten Tanente Koronel, Guido de Oliveira, liu husi nia deskursu iha serimónia abertura fatin kuarentena, Metinaru, Sesta (10/07).
Tanente Koronel, Guido de Oliveira, hatete komandu F-FDTL foti desizaun hodi instala fatin kuarentena ba segunda faze tamba diresaun saúde Milítar sai implementadór ba asuntu COVID-19.
“Dadauk ne’e sei presiza kontrola ho kuidadu tebes tamba atividade fila-fali ho normál ba vida moris loro-loron. Nune’e sidadaun hotu bele kumpri nafatin distansia sosial, fase liman, uza maskra, ijiene, pessoál no hadok-an husi ema seluk karik mosu sintomas covid-19”, tenik Tanente Koronel, Guido de Oliveira.
Ikus-liu, Tanente Koronel Guido de Oliveira, dehan “Iha segunda faze tenke prevene hodi responde ba kualker momentu hamutuk ho Ministeriu saúde (MS) no Orgamizasaun Mundiál Saúde (OMS)”.
Estadu Emerjénsia (EE) remata ona iha loron 27 Juñu 2020, dadus ne’ebe Sentru Integradu Jestaun Krize informa, pozitivu COVID-19 iha Timor-Leste sidadaun nain 24 rekoperadu. Nune’e Timor-Leste zero COVID-19. Pau
