TL Rejista Kazu Pozitivu COVID-19 Mane Ida Iha Kovalima

Naunil Media(Díli), Kordenadór Forsa-Tarefa ba Prevensaun no Mitigasaun surtu COVID-19, Rui Maria de Araújo, infórma Ministeriu Saúde rejista tan kazu COVID-19 konfirmadu mane ida, iha Aldeia Klauhalek, Suku Belulik Leten, postu Administrativu Fatumea,  Munisípiu Covalima.

 Dehan Kordenadór Fórsa Tarefa Ba Prevensaun no Mitigasaun surtu Covid-19, Rui Maria de Araújo  ba jornalista sira, iha Sentru Integradu Jestaun Krize, Centru Covenções (CCD), kinta (25/02).

Tuir Rui husi ekipa vijilánsia epidemolójika no laboratóriu halo rastreu iha Aldeia Klauhalek, Suku Belulik Leten, postu Administrativu Fatumea, Munisípiu Kovalima rekolla tan amostra hamutuk 40 hodi halo teste laboratóriu.

 “Husi teste PCR  ne’ebé hetan kazu pozitivu mane ida, pesoal ne’e nia kaben  nu’udar kazu konfirmadu foin loron rua liubá. Husi  dadus ne’ebé halo ba istória kontaktu husi kazu foun ida ne’e” Rui informa.

Rui hatutan,  ekipa vijilánsia to’o iha fatin hodi halo konkluzaun katak kazu foun mane ida ho idade tinan 69 hela iha Aldeia Klauhalek, asintomátiku nia gasta nia tempu barak liu iha to’os haki’ak krau fatin, baliza ho Indonézia suku Lookleu, Postu Administrativu Tasi Feto Barat, Munisípiu Belu, rezultadu PCR hatudu CT (Cycle trheshold) ho volume 40, signifika nia iha faze rekoperasaun, ida ne’e hatudu katak nia hetan kontájiu mais ou menus semana rua ka tolu.

“Dadus hirak ne’e hatudu katak to’o ohin kluster ka agrupamentu Kaluhalek ita identifika ona kazu primeiru ne’ebé hala’o transmisaun lokál ba ema na’in neen husi feto na’in haat no mane na’in rua, maibé seidauk iha evidénsia katak kluster ka agrupamentu ida ne’e espalla ona mós ba fatin seluk”. Teknik Rui

“Husi ekipa vijilánsia epidemiolójika ho laboratóriu husi nível nasionál, Munisipiu Covalima nomós sentru saúde Fatumea hamutuk ema na’in rua, oras ne’e nafatin hala’o rastreiu ba kontaktu sira hotu”.nia infórma.

 Kazu  hirak ne’e nia dehan, konfirmadu na’in ida, kazu rekoperadu husi RAEOA na’in ida no kazu ativu rua, ema tama husi fronteira horseik no ohin liu dalan regular na’in 17, irregular ema na’in haat agora sira ne’e tama hotu iha kuarentena.

“Husi kazu konfirmadu na’in neen ne’ebé horseik viajen husi Fatumea mai Dili to’o iha Vera Cruz tuku 11:45 kalan  sira iha  kondisaun ne’ebé kolen tanba husi viajen ne’ebé do’ok maibé sira nia kondisaun no saúde di’ak hela”tenik nia

Nia husu ba populasaun iha Timor-Leste no munisípiu Kovalima, Bobonaru lalika paniku tur hakmatek hodi fó tempu ba autoridade ekipa saúde ho konjuntu sira bele foti amostra hodi teste tanba dadau ne’e akontese hela transmisaun komunitária. Ina