Estudante Lautem Husu PR Lú Olo Re-Kandidata-An PR
Naunil Media (Dili), klibur Estudantil husi munisipiu Lautem husu atu, prezidenti atual Francisco Guterres Lú Olo Re-Kandidata aan ba prezidenti da Repúblika periodu 2022 to 2027.
Reprezentante estudante husi Lautem ne’e konsidera uniku Francisco Guterres Lú Olo mak bele hasa’e dignidade estadu nian hodi hamate abut hun koruptor Sira ne’ebe hakarak susu mohu povu maubere Nia riku soin iha Timor-Leste.
“Ami fi’ar katak so uniku Dr. Lu Olo Mak firmi ho nia pozisaun nudar aman nasaun nian hodi hatudu kapasidade lideransa ba povu ne’ebe nia hadomi tebes”,Portavoz vidaligia de Jesus Sanches hato’o lia hirak ne’e liu hosi komunikadu imprensa ne’ebé realiza iha Jardim 5 de maiu, Kuarta, (07/07).
Nia dehan, prezidente Lú Olo ema Ida ne’ebé hatudu nia konsistensia no komitmentu iha palku politika no mos hatudu nia domin forti ba Nia Patria no mos nia povu.
“Ami mos alerta ba estudante no joventude munisipiu Lautem hotu-hotu atu fo apoiu ba Ita nia aman Dr. Lu Olo atu kandidata nia-an no alkansa povu maubere tomak nian, tanba durante ne’e Dr. Lu Olo halo tuir deit konstituisaun RDTL no la hakruk ba lider politiku ruma hodi ignora lei Sira ne’ebe konsagra ona iha konstituisaun”,hateten portavoz ne’e.
Nia dehan, Timor Leste presiza prezidente Ida ne’ebé maduru, matenek hatene interpreta lei no hatene tau-aas interese nasional no bein-star komum.
Francisco Guterres Lú Olo, kandidata aan ba prezidenti da repúblika iha tinan 2018, iha ne’ebé hetan apoiu mai hosi partidu boot rua iha Timor-Leste hanesan FRETILN inklui CNRT, hodi kompete ho Partidu Demokratiku (PD) ne’ebé kandidata hosi Antonio Conceicão ” Kalohan”. Nune ikus mai resultadu disidi Francisco Guterres Lú Olo mak sai prezidenti Da republika ba tinan 5.
Nune tuir planu tinan 2022 Timor-Leste sei selebra taan loron elisaun prezidensial ne’e hodi disidi prezidenti foun ba periodu tinan 2022-2027. LTS
