FEATUREDIkus LiuNewsPolitika

Sentru Paralelu Kria Konfuzaun, CNRT Husu STAE Hadi’a, Khunto Haruka Halakon

Fahe Tutan

Naunil Média (Díli), Deputadu bankada Partidu Congressu Nasionál de Rekonstrução Timor (CNRT), Arão Noe, husu ba Sekretariadu Tekniku Administrasaun Eleitorál (STAE), atu hadi’a sentru paralelu ne’ebé mak mosu konfunsaun bo’ot ba komunidade sira la ezerse nia direitu iha Eleisaun Prezidensiál.

Deputadu Bankada CNRT, Arão Noe, hateten, Failansu ida ne’e, halo sidadaun sira balun la konsege zerse sira nia direitu.

“ Nune’e orgaun eleitorál tenke responsavél ba asuntu ne’e,” Dehan Deputadu Arão Noe, iha Plenaria Parlamentu Nasionál, Segunda, (28/03).

Nia haktuir, Alterasaun lei Presidensiál ida kona-ba votasaun Presidensiál introduz programa ida kona-ba sentru votasaun paralelu iha Díli, akontese asuntu kria sentru paralelu ne’e diminui ema labele moviliza ba foho hodi tuir votasaun.

“ komunikasaun ne’ebé mak STAE kria mak halo konfunzaun barak ba komunidade sira, primeira ita halo mak ne’e STAE pronunsia formulariu kada sentru, depois eleitores sira hakarak ba vota iha Díli, regras ne’e katak komunidade ba rejista iha STAE,” Tenik Arão.

Nia hateten, STAE haruka formulariu ba xefe suku foti tiha no selu tan maibé administraaun la lori ba STAE ka lori ba tarde mak akontese eleitores barak mak la ezerse nia direitu.

Hanesan mós Universidade Nasionál Timor-Lorosa’e (UNTL) estudante sira ne’ebé mak rejista mós haruka lista ba STAE tarde.

Iha fatin hanesan Bankada Partidu Kamanek Haburas Unidade Nasionál Timor-Oan (KHUNTO), Deputadu Luis Roberto, hateten sentru votasaun paralelu ne’ebé mak mosu konfunsaun bo’ot di’ak liu halakon tiha,  sentru Votasaun duke kria tan limitasaun sidadaun sira nia direitu.

“ Sentru votasaun paralelu ne’e kria atu sidadaun sira partisipa maximu iha ba vota iha Eleisaun Prezidensiál maibé kria tan konfunzaun bo’ot. Tenik nia.

Nune’e Luis Robertu husu halakon tiha buat ida kria sentru paralelu ne’e, di’ak liu fó liberdade ba vota iha sira nia munisipiu, duke kria sentru paralelu depois limita tan sidadaun sira nia direitu.”Ana

Leave a Reply

Your email address will not be published. Required fields are marked *