PR Horta : TL-Indonezia Amizade Investimentu Ekonómia
Naunil Media (Díli), Prezidente Repúblika (PR) José Manuel Ramos Horta hateten komérsiu Timor-Leste (TL) ho Indonézia importante no metin liu tanba Amizade investimentu ekonómia iha interese estratéjiku, nasionál no ekonómiku.
“Ita nia komérsiu ho Indonézia, komérsiu importante Timor-Leste nia ekonomia tenke haree kadaves metin liu ho Indonézia i ne’e lá’os tanba Amizade de’it, komérsiu investimentu ekonómia o halo tanba interese estratéjiku, interese nasionál, interese ekonómiku”, dehan Xefe Estadu ba jornalista iha TVE São Miguel, Sesta (08/07).
Xefe estadu hatutan, Indonézia vizinu ho Timor-Leste hakarak sosa fos husi Indonézia ka husi Vietnam ka Thailandia, klaru se bele karik sosa husi Indonézia besik liu kustu transporte menus liu, klaru Indonézia mós dalaruma la konsege halo esportasaun fos entaun tenke bá buka iha rai seluk.
“Ita haree took agora ho krize mundiál guerra Ukránia mak ita haree estatistika mundiál, hakfodak Indonézia mak fornese 60 % Bimoli hotu-hotu iha mundu sosa Bimoli, Pakistan, Banladesh, Europa, Amérika Latina aat hotu ona”, katak Xefe Estadu.
PR hateten, Indonézia produtor Agrikultura, produtor Industrial bo’ot tebetebes sira konsege faan ba rai hotu-hotu iha mundu, Timor besik loos tenke haree oinsá aumenta relasaun komersiál ho Indonézia, mas buka mós dada investidor husi Indonézia mai iha Timor-Leste loke fabrika iha ne’e.
Horta esplika, Objetivu vijita ba iha Indonézia ne’e hakarak oinsá aumenta relasaun ekonómia ho Indonézia, Nusa Tengara Timur nune’e bele hadia liu tan komérsiu iha fronteira entre Timor-Leste ho Timor Ocidental.
‘Ha’u nia objetivu vijita ho Jakarta país hanesan Indonézia, no autoridade sira iha ne’ebá hatene ona ha’u hakarak haree oinsá ita aumenta relasaun ekonomika ho Indonézia ho NTT oinsá ita hadia liu tan komérsiu fronteira nian Timor Ocidental ho Timor-Leste, oinsá ekonómia rua ne’e bele integradu liu ho komplementariu sei halo enkontru ho Governador NTT no membru governu balun akompaña Prezidente Repúblika ba Indonézia ne’e mak ha’u nia polítika”, esplika Horta.
Tanba Prezidente Repúblika hanesan embaixador númeru 1 nasaun nian maibé, PR lahalo desizaun ezekutivu, akordu ruma entre Timor-Leste ho Indonézia, negosiasaun entre governu Timor-Leste ho governu Indonézia atu assina akordu ruma ne’e guvernu mak tenke halo Xefe Estadu iha ne’ebá hanesan Testemuña hamutuk ho Prezidente Indonézia hanesan Testemuña. *Jos
